Azərbaycanlı müəllimlər Ankarada beynəlxalq konfransda iştirak edib

Sentyabrın 8-12-də Ankarada EYUDER-un (Eğitim Yöneticileri ve Uzmanları Derneği) EYFOR XII beynəlxalq təhsil konfransı keçirilib.

Bu barədə “Report”a tədbirə Azərbaycandan qatılmış orta məktəb müəllimi Elçin Abbasov məlumat verib.

O bildirib ki, konfransda bir çox ölkələrdən nümayəndələr iştirak edib. Azərbaycandan isə 16 nəfərdən ibarət müəllim heyəti qatılıb. Konfrans hibrid formada təşkil edilib.

Elçin Abbasov beynəlxalq konfransda "Geleceğin yaratıcı kişisini hazırlamak için etgili bir eğitim yöntemi - STEM" mövzusunda çıxış edib.