​AMEA-nın vitse-prezidenti: “Elmə ayrılan vəsait yetərli deyil”

​AMEA-nın vitse-prezidenti: “Elmə ayrılan vəsait yetərli deyil” “Doktorantlar xaricdə təhsil almalıdır”
Elm və təhsil
109
20 Noyabr , 2014 12:38
​AMEA-nın vitse-prezidenti: “Elmə ayrılan vəsait yetərli deyil”

Bakı. 20 noyabr. REPORT.AZ/ Azərbaycan parlamentinin 2015-ci ilin dövlət büdcəsinin müzakirəsi zamanı çıxış edən deputat, Azərbaycan Milli Elmlər Akademiyasının (AMEA) vitse-prezidenti İsa Həbibbəyli elmə ayrılan vəsaitin yetərli olmadığını söyləyib. “Report”un məlumatına görə, İ.Həbibbəyli deyib ki, AMEA-da elm sahəsindəki inkişaf üçün gələn ilin dövlət büdcəsindən ayrılan vəsait tam yetərli deyil. O, həmçinin qeyd edib ki, nəinki Akademiyada, eləcə də digər sahələrin inkişaf etdirilməsində elmin gücü böyükdür: “AMEA-da gəlirlər qazanmaq üçün ayrı-ayrı sahələrdə addımlar atır. Qeyd edim ki, bu il təcrübə sınaq zavodu AMEA-nın brendi ilə neft istehsal edəcək. Bütün bu kimi nailiyyətlər üçün, elm üçün xərclər nəzərdə tutularkən artımı nəzərə almaq lazımdır”.

AMEA-nın vitse-prezidenti bakalavr və magistrlarla yanaşı, doktorantların da xaricdə təhsil almasına ehyitac olduğunu deyib: “Buna görə də Təhsil Nazirliyinin mövcud xaricdə təhsil almaq proqramlarına ayrılan vəsait artırılmalıdır. Doktorantların vahid qaydada və eyni proqram əsasında xaricdə təhsil almalarını təmin etmək faydalı ola bilər”.