Yalnız attestatla, yəni xarici ölkədə ali təhsil müəssisəsinə imtahansız qəbulun növbəti mərhələdə fəsadları ortaya çıxır.
"Report" xəbər verir ki, bunu Təhsildə Keyfiyyət Təminatı Agentliyinin İdarə Heyətinin sədri Tural Əhmədov keçirdiyi brifinqdə deyib.
Onun sözlərinə görə, ümumilikdə qəbul olduğu həmin təhsil müəssisəsində bir neçə günlük olmaq həmin vətəndaşın təhsil normativinə riayət etməməsini göstərir:
"Vətəndaş bu və ya digər səbəbdən ölkədə fəaliyyət göstərən yerli ali təhsil müəssisələrinə transfer üçün müraciət edəndə maneə ilə üzləşir. Çünki həmin mərhələdə bir çox sənədlər tələb olunur və bunlar olmadan istəyi reallaşmır. Ona görə də bu məsələdə daha məhdud səviyyədə baxış keçirmək olmaz".