Abşerondan olan riyaziyyat müəllimi sertifikatlaşdırma imtahanında maksimum nəticə göstərib

Dövlət ümumi təhsil müəssisələrində çalışan təhsilverənlərin sertifikatlaşdırılması prosesinin test imtahanı mərhələsində Fərqanə Quliyeva 60 bal toplamaqla maksimum nəticə əldə edib.

“Report”un yerli bürosunun məlumatına görə, Fərqanə Quliyeva Abşeron rayonu, Hökməli qəsəbə tam orta məktəbində riyaziyyat müəllimi kimi fəaliyyət göstərir.

Qeyd edək ki, təhsilverənlərin bilik və bacarıqlarının qiymətləndirilməsi məqsədilə keçirilən test imtahanı mərhələsi 18-20, 24 və 25 iyun tarixlərində Naxçıvan şəhəri də daxil olmaqla, ölkənin 19 müxtəlif şəhərində yerləşən 39 imtahan mərkəzində təşkil olunur.