ABŞ səfiri məcburi köçkün məktəblərinin 90 şagirdinə sertifikatlar təqdim edib

ABŞ-nin Azərbaycandakı səfiri Mark Libbi Zəngilan və Ağdam rayonlarından olan məcburi köçkünlərin oxuduğu məktəblərin 90 şagirdini səfirliyin təşkil etdiyi birillik ingilis dili proqramını bitirmələri münasibətilə təbrik edib.

"Report" xəbər verir ki, bu barədə səfirliyin "X" sosial şəbəkəsindəki hesabında paylaşım edilib.

“İngilis dilini öyrənmək istəyiniz yeni imkanlara, fərqli mədəniyyətləri dərk etməyə və sərhədlər arasında körpülər qurmağa qapılar açır. ABŞ səfirliyi bu ingilis dili proqramı kimi təşəbbüsləri dəstəkləməklə bağlı qürur duyur. Bu proqram dili öyrənməklə yanaşı, Amerika mədəniyyəti və ənənələri haqqında fikir əldə etməyə imkan verib. Mən Azərbaycan dilini, mədəniyyəti və dəyərlərini öyrəndiyim kimi, sizin Amerika mədəniyyətini öyrənməyiniz də dil biliklərinizi və digər ölkələrin mədəniyyətlərini başa düşməyinizi yaxşılaşdırıb. Bu biliklər ingilis dili bilikləri ilə birləşərək, şübhəsiz ki, yeni imkanlar üçün qapılar açacaq”, - ABŞ səfiri məzunlara bildirib.

Zəngilan & Ağdam rayonlarından olan məcburi köçkünlərin oxuduğu məktəblərin 90 şagirdini ABŞ səfirliyi tərəfindən təşkil olunan ingilis dili proqramını bitirdikləri münasibətilə təbrik edirik. Səfir Libby məzunlarına sertifikatlar təqdim edib.️https://t.co/kvhdVHpItH pic.twitter.com/TqwWS2yqkf

— U.S. Embassy Baku (@USEmbassyBaku) June 20, 2024