20 saylı məktəbin şagirdləri SOCAR-da olub

20 saylı məktəbin şagirdləri SOCAR-da olub Gənclər və İdman Nazirliyinin Bakı şəhər Gənclər və İdman idarəsinin təşəbbüsü ilə A. Hüseynzadə adına 20 saylı məktəb-liseyin 8 L sinif şagirdləri Neft Daşlarının 70 illiyi münasibətilə Azərbaycan Dövlət Neft Şirkətinin (SOCAR) yeni inzibati binasında olublar.
Elm və təhsil
226
29 Noyabr , 2019 23:14
20 saylı məktəbin şagirdləri SOCAR-da olub

Gənclər və İdman Nazirliyinin Bakı şəhər Gənclər və İdman idarəsinin təşəbbüsü ilə A. Hüseynzadə adına 20 saylı məktəb-liseyin 8 L sinif şagirdləri Neft Daşlarının 70 illiyi münasibətilə Azərbaycan Dövlət Neft Şirkətinin (SOCAR) yeni inzibati binasında olublar.

"Report" xəbər verir ki, SOCAR-ın əməkdaşları şagirdlərə ölkəmizdə neft sənayesinin inkişafı, ümummilli liderimiz Heydər Əliyevin böyük və gərgin əməyi sayəsində dünyanın aparıcı neft şirkətləri ilə imzalanan “Əsrin müqaviləsi”, Prezident İlham Əliyevin rəhbərliyi altında həyata keçirilən müasir neft strategiyası haqqında geniş məlumatlar veriblər. 

Sonda neftin necə çıxarılması, bu günlərdə 70 illiyi təntənəli şəkildə qeyd edilən Neft Daşlarında yaradılmış geniş infrastruktur haqqında video çarx nümayiş etdirilib.

Sonra məktəbin direktoru Səadət Veysovanın salamını çatdıran şagirdlərin sinif rəhbəri Samirə Abbasova belə ekskursiyaların uşaqların inkişafı, onların dünya görüşünün formalaşması, ən əsası gələcək peşə seçimlərində müsbət təsir göstərəcəyini bildirib.

Daha sonra şagirdləri maraqlandırılan suallar cavablandırılıb. Məktəb nəzdində "Kiçik akademiyan" adlı layihənin iştirakçısı olan iki şagirdin layihələri SOCAR nümayəndələri tərəfindən maraqla qarşılanıb və gələckdə onların bu kimi layihələrinin dəstəklənəcəyi vurğulanıb.

Son xəbərlər

Orphus sistemi