“Yaşıl dünya naminə həmrəylik ili” münasibətilə Bakı-Quba yoluna 300 000 ağacın əkilməsi planlaşdırılıb

Sumqayıtda ağacəkmə aksiyası keçirilib.Aksiya Bakı-Quba yolunun Sumqayıt şəhərindən keçən hissəsində təşkil olunub.

“Report”un Sumqayıt bürosu xəbər verir ki, Sumqayıt şəhər İcra Hakimiyyətinin təşkilatçılığı ilə keçirilmiş aksiyada şəhərdə fəaliyyət göstərən müxtəlif idarə, müəssisə və təşkilatların nümayəndələri iştirak edib.

Gün ərzində yolun sağ və sol hissələrində 17 000 ağac əkilib. Noyabr ayının əvvəlinədək ərazidə 300 000 ağacın əkilməsi nəzərdə tutulub.