Yağış sularının dənizə axıdılmaması ilə bağlı qanunvericilikdə dəyişikliklər ediləcək

"Su ölçmə cihazlarının zərurət olan ərazilərdə quraşdırılması işləri davam etdiriləcək".

“Report” xəbər verir ki, bunu Ekologiya və Təbii Sərvətlər Nazirliyinin Su ehtiyatlarının idarə edilməsi şöbəsinin müdiri Mütəllim Əbdülhəsənov “Ekspert saatı”nda deyib.

O qeyd edib ki, qiymətləndirmə ilə bağlı mühüm məsələlər müzakirə olunduqdan sonra təkliflər hökumətə təqdim ediləcək.

Şöbə müdiri əlavə edib ki, yağış sularının idarə olunması ilə əlaqədar qanunvericilik yenilənməli və təkmilləşdirilməlidir: “Bakının yeni hazırlanan baş planında bu məsələlər aktuallığı ilə qeyd olunacaq. Qanunvericilikdə müvafiq dəyişikliklər ediləcək ki, yağış suları bilavasitə dənizə axıdılmasın, onlar yığılsın, gələcəkdə istifadəsi üçün su anbarları tikilsin”.