Vladanka Andreeva: “Su problemini həll etməyin yolu regional əməkdaşlıqdır”

“Azərbaycanda həm iqlim dəyişikliyi, həm də ölkənin su ehtiyatlarının 70%-dən çoxunun mənbəyini qonşu ölkələrdən götürməsi səbəbindən su problemi dərinləşir”.

“Report” xəbər verir ki, bunu BMT-nin Azərbaycandakı rezident əlaqələndiricisi Vladanka Andreeva “Su ehtiyatlarının davamlı idarə olunması üzrə tərəfdaşlığın və fəaliyyətlərin təşviqi” mövzusunda Beynəlxalq Su Konfransında çıxış edərkən bildirib.

O deyib ki, bu sahədə regional əməkdaşlıq problemin həllində əsas məsələdir.

Rezident əlaqələndiricisinin sözlərinə görə, dünyada çox sayda insanın içməli suya çatımlılığı yoxdur.

V.Andreeva vurğulayıb ki, BMT ofisi Azərbaycanda iqlimin yaxşılaşdırılması və su ehtiyatlarının idarə olunması ilə bağlı layihələr üzərində işləməyə davam edəcək.