Yuxarı

​ÜST: İqlim dəyişiklikləri hər il 250 min nəfərin həyatına son qoyacaq

​ÜST: İqlim dəyişiklikləri hər il 250 min nəfərin həyatına son qoyacaq
Əsas ölüm səbəbləri kimi malyariya, günvurma və lazımi qidalanmama göstərilir

Bakı. 9 iyul. REPORT.AZ/ Dünyada 15 ildən sonra iqlim dəyişiklikləri nəticəsində hər il 250 min nəfər həyatını itirəcək. 

"Report"un BMT-nin Xəbər mərkəzinə istinadən verdiyi məlumata görə, bu barədə Parisdə Ümumdünya Səhiyyə Təşkilatının (ÜST) iqlim dəyişiklərinin insan sağlamlığına təsirinə həsr edilmiş konfransında bildirilib.

Əsas ölüm səbəbləri kimi malyariya, günvurma və lazımi qidalanmama göstərilib. Belə ki, istiləşmə və rütubətliliyin çoxalması xəstəlik daşıyıcıları olan həşəratlarım çoxalmasına gətirib çıxaracaq.

Quraqlıq, leysan yağışları və havanın yüksək temperaturu nəticəsində tarlalarda məhsul məhv olacaq və bu da aclığa səbəb olacaq.

2015-ci ilin dekabrında İqlim dəyişiklikliyi üzrə Paris konfransında qəbul edilmiş razılaşma iqlim dəyişikliklərinə adaptasiya üzrə tədbirləri nəzərdə tutur. Bunlar sırasında əhalinin sağlamlığının ciddi iqlim dəyişikliklərinin nəticələrindən qorunmasına dair plan da var.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi