“Təmiz hövzələr” aksiyası çərçivəsində sintetik torlar su hövzələrindən yığışdırılıb

Ekologiya və Təbii Sərvətlər Nazirliyinin təşəbbüsü ilə “Təmiz hövzələr” aksiyası çərçivəsində növbəti dəfə sintetik torların su hövzələrindən yığılması həyata keçirilib.

"Report" xəbər verir ki, aksiyanı keçirtməkdə məqsəd qanunsuz balıq ovunun qarşısının alınması, balıq və digər su bioresurslarının ovunda istifadə olunan qanunsuz ov alətlərinin su hövzələrindən yığışdırılmasıdır.

Dövlət Ekoloji Təhlükəsizlik Xidmətinin əməkdaşları Xəzər dənizinin Xaçmaz və Şabran rayonları akvatoriyasından, Kür çayından, Mingəçevir, Şəmkir və Yenikənd su anbarlarından ümumilikdə 1015 metr uzunluğunda 16 ədəd sintetik tor və istifadəsi qadağan olunmuş digər ov alətləri aşkar edilərək götürülüb.