Yuxarı
    Bağlamaq

    "Təbiəti görmək istədiyimiz kimi qoruyaq!" adlı ekoloji marafon keçirilib

    Aksiya çərçivəsində 80-dən çox quş yuvası düzəldilərək dirəklərə asılıb

    Bakı. 14 aprel. REPORT.AZ/ Gənclər üçün Təhsil Mərkəzinin (GTM) Qarabağ Regional ofisi Ağcabədi rayon İcra Hakimiyyəti və Rayon Təhsil Şöbəsi ilə birgə "Təbiəti görmək istədiyimiz kimi qoruyaq!" adlı ekoloji marafona start verib.

    Bu barədə "Report"a GTM-in mətbuat xidmətindən məlumat verilib.

    Marafonun keçirilməsində əsas məqsəd ekoloji tarazlığın bərpasına və ekoloji mühitin sağlamlaşdırılmasına töhfə vermək, insanlar arasında ekoloji mədəniyyəti, təbiətə qayğı hissini təbliğ etməkdən ibarətdir.

    2 gün davam edən aksiya çərçivəsində 80-dən çox quş yuvası düzəldilərək, rayonun mərkəzi Heydər Əliyev prospektindəki müxtəlif dirəklərə asılıb.

    Marafon çərçivəsində gənclər üçün təcrübəli ekspertlər tərəfindən "Heyvanlar aləminin mühafizəsi və istifadəsi sahəsində dövlət nəzarətinin həyata keçirilməsi qaydaları" haqqında məruzələr edilib, onların ekoloji təfəkkürün formalaşdırılmasına yönəlmiş maarifləndirmə sessiyaları keçirilib.

    Qeyd edək ki, marafon Gənclər üçün Təhsil Mərkəzinin digər ofisləri vasitəsilə Gəncə, Mingəçevir, Quba və digər regionlarda da həyata keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi