Yuxarı

Sabah rayonlarda 20, Bakıda isə 16 dərəcə isti olacaq

Ölkə ərazisində hava şəraiti əsasən yağmursuz keçəcək

Bakı. 4 fevral. REPORT.AZ/ Sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentindən "Report"a verilən məlumata görə, sabah paytaxt və yarımadanın bəzi yerlərində zəif duman olacaq. Mülayim cənub küləyi arabir güclənəcək.

Havanın temperaturu Abşeronda gecə 4-6, gündüz 11-16 dərəcə isti olacaq, bəzi yerlərdə 19 dərəcəyədək isti gözlənilir. Bakıda isə gecə 4-6, gündüz 14-16 dərəcə isti olacaq.

Fevralın 5-də Azərbaycanın rayonlarında hava şəraiti əsasən yağmursuz keçəcək, gecə və səhər ayrı-ayrı yerlərdə duman olacaq. Qərb küləyi ayrı-ayrı yerlərdə arabir güclənəcək.

Havanın temperaturu gecə 1-6 dərəcə isti, gündüz 12-17 dərəcə isti, bəzi yerlərdə 20 dərəcəyədək isti, dağlarda gecə 0-5 dərəcə şaxta, yüksək dağlıq ərazilərdə 5-8 dərəcə şaxta, gündüz 7-12 dərəcə isti olacaq. Bəzi yerlərdə 15 dərəcə isti olacağı gözlənilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi