Rusiya XİN: İqlim gündəliyi son onilliklər ərzində siyasiləşdirilir

İqlim gündəliyi son onilliklər ərzində siyasiləşdirilir.

“Report”un Rusiya bürosu xəbər verir ki, bunu ölkənin Xarici İşlər Nazirliyinin rəsmi nümayəndəsi Mariya Zaxarova MDB Xarici İşlər Nazirləri Şurasının iclasının kuluarlarında deyib.

O qeyd edib ki, iqlim mövzusu güclü manipulyasiya alətinə çevrilib.

“Biz görürük ki, son illərdə və hətta onilliklərdə iqlim gündəliyi sadəcə olaraq siyasiləşdirilir. İqlim çox vaxt açıq-aşkar yalanlarla manipulyasiya meydanına çevrilir. Mövqeləri bəzən bir-birinə tamamilə zidd olan ölkələrin iqlim arenasında çıxış etməsi təəccüb doğurur. Onlar gah sənədləri imzalamağa çağırır, gah onlardan imtina edir, gah da yenidən qayıdaraq hamını öz arxalarınca çağırırlar”, - M.Zaxarova vurğulayıb.

O, azərbaycanlı həmkarlarına ekoloji məsələlərin mövzunun özünün deyil, yalnız siyasi mənfəətin vacib olduğu qüvvələrin əlində alətə çevrilməməsini arzu edib.