Yuxarı
    Bağlamaq

    Proqnozlar Bürosu: Növbəti iki gündə temperatur 32 dərəcəyədək yüksələcək

    İyunun 5-i günün birinci yarısında qısamüddətli yağış yağacağı ehtimal olunur

    Bakı. 4 iyun. REPORT.AZ/ Növbəti iki gün ərzində Azərbaycanda müşahidə olunacaq hava proqnozu açıqlanıb.

    Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Gülşad Məmmədova “Report”a açıqlamasında bildirib ki, iyun ayının 5-də bəzi yerlərdə şimşək çaxacağı, arabir yağış yağacağı gözlənilir: "İyun ayının 5-i gündüz yağışın tədricən kəsiləcəyi, hava şəraitinin əksər rayonlarda əsasən yağmursuz keçəcəyi gözlənilir. Havanın temperaturu bölgələrdə 27-32 dərəcə isti təşkil edəcək".

    Onun sözlərinə görə, Bakıda və Abşeron yarımadasında yaxın iki gün ərzində hava şəraitinin dəyişkən buludlu olacağı, arabir tutulacağı gözlənilir: "Lakin iyunun 5-i günün birinci yarısında qısamüddətli yağış yağacağı ehtimal olunur".

    Mütəxəssis qeyd edib ki, növbəti günlərdə ölkə ərazisində şərq küləyinin üstünlüyü müşahidə olunacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi