Yuxarı
    Bağlamaq

    ​Ötən il Azərbaycanda 4 milyondan çox ağac əkilib

    Prezident: Bakıda və Abşeron yarımadasında ağacəkmə daimi proses olmalıdır

    Bakı. 12 yanvar. REPORT.AZ/ "Ötən il 4 milyondan çox ağac əkilib. Bakıda və Abşeron yarımadasında ağacəkmə daimi proses olmalıdır".

    "Report" xəbər verir ki, bu barədə Prezident İlham Əliyev Nazirlər Kabinetinin iclasında məlumat verib.

    Prezident bu siyasətin davam etdirilməli olduğunu diqqətə çatdırıb:

    "Ekoloji tədbirlər daim aparılır. Bu siyasət davam etdirilməlidir. Ağacəkmə. Yadımdadır, əvvəllər biz buna kampaniya deyirdik, “Ekologiya ili”ndə biz bu işə fəal başlamışdıq. Ancaq hələ o vaxt mən deyirdim ki, bu, kampaniya olmamalıdır, bu, daimi proses olmalıdır. Bakıda və Abşeron yarımadasında ağacəkmə daimi proses olmalıdır. Çirklənmiş yerlər təmizlənməlidir. Böyükşor gölünün təmizlənməsinin birinci mərhələsi keçən il həyata keçirilib. Çirklənmiş və üfunət iyi verən bu ərazi indi artıq adamın gözünü oxşayır. Təmizlənmiş gölə köçəri quşlar qonur. Burada böyük bulvar salınıb. Böyükşor gölünün təmizlənməsinin ikinci hissəsi də bu il icra edilməlidir. Zığ gölünün təmizlənməsi layihəsi də icra edilməlidir. Dövlət büdcəsində bu məqsədlər üçün vəsait tapmaq lazımdır".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi