Ölkə ərazisində qeyri-sabit hava şəraiti davam edib - FAKTİKİ HAVA

Ölkə ərazisində qeyri-sabit hava şəraiti davam edib.

"Report" xəbər verir ki, bu barədə Milli Hidrometeorologiya Xidməti məlumat yayıb.

Belə ki, sentyabrın 10-u saat 18:00-a olan məlumatına əsasən bəzi yerlərdə güclü külək əsib.

Şimal-qərb küləyi arabir Qəbələdə 24 m/s, Neftçalada 20 m/s, Naftalanda 18 m/s, Beyləqan, Naxçıvanda 16 m/s, Şəkidə 15 m/s-dək, Bakıda və Abşeron yarımadasında 28-33 m/s-dək güclənib.

Neft Daşları stansiyasının məlumatına əsasən dalğanın hündürlüyü 5.4 metrə çatıb.