Yuxarı
    Bağlamaq

    Nazirlik: Ötən il yaşıllıqların mühafizəsi sahəsində 983 akt və 199 protokol tərtib olunub

    Qanun pozuntusuna yol verənlərə qarşı ümumilikdə 355 400 manat məbləğində cərimə tətbiq edilib

    Bakı. 25 yanvar. REPORT.AZ/ Ekologiya və Təbii Sərvətlər Nazirliyinin ətraf mühitin mühafizəsini həyata keçirən qurumları 2016-cı il ərzində ölkə ərazisində floranın mühafizəsi üzrə ekoloji qanunvericiliyin tələblərinə riayət olunmasını yoxlamaq məqsədilə araşdırma aparıblar.

    Bu barədə "Report"a nazirliyin mətbuat xidmətindən məlumat verilib.

    Məlumata görə, meşə ehtiyatlarının mühafizəsi üzrə nazirliyin əməkdaşlarının apardığı araşdırma zamanı hüquqi və fiziki şəxslərin yol verdiyi qanun pozuntularına görə, 207 akt və 28 protokol tərtib olunub. Müəyyən edilən nöqsanların aradan qaldırılması üçün icrası məcburi olan 4 müddətli məcburi göstəriş verilib. Qanun pozuntusuna yol verdiklərinə görə, hüquqi və fiziki şəxslərə qarşı ümumilikdə 24 iş üzrə 14450 manat məbləğində cərimə tətbiq edilib, ətraf mühitə dəyən ziyanla bağlı 84 iş üzrə 6901,1 manat məbləğində iddia qaldırılıb.

    Tədbir görülməsi üçün hüquq mühafizə orqanlarına göndərilən 3 işdən 1-nə, icra qruplarına göndərilən 11 iş və əvvəlki illərdən qalan 1 iş də daxil olmaqla 12 işə baxılaraq müvafiq tədbirlər görülüb. Məlumata görə, hazırda 2 iş icraatdadır.

    Yaşıllıqların mühafizəsi üzrə hüquqi və fiziki şəxslər tərəfindən yol verilən qanun pozuntularına görə, 776 akt və 171 protokol tərtib olunub. Müəyyən edilən nöqsanların aradan qaldırılması üçün icrası məcburi olan 51 müddətli məcburi göstəriş verilib. Qanun pozuntusuna yol verdiklərinə görə, hüquqi və fiziki şəxslərə qarşı ümumilikdə 184 iş üzrə 355400 manat məbləğində cərimə tətbiq edilib, ətraf mühitə dəyən ziyanla bağlı 99 iş üzrə 35289,22 manat məbləğində iddia qaldırılıb.

    Tədbir görülməsi üçün hüquq-mühafizə orqanlarına göndərilən 224 işdən 102-nə, icra qruplarına göndərilən 111 işdən 69-na və məhkəmələrə göndərilən 30 işdən 14-nə baxılaraq müvafiq tədbir görülüb. Qalan işlər isə hazırda icraatdadır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi