Yuxarı

Nazir: “Azərbaycanın su hövzələrində olan balıqların sayı azdır”

Nazir: “Azərbaycanın su hövzələrində olan balıqların sayı azdır”
© Report / Firi Salim — Muxtar Babayev

“Bu gün su hövzələrində istədiyimiz sayda balıq yoxdur”.

“Report” xəbər verir ki, bunu Ekologiya və Təbii Sərvətlər naziri Muxtar Babayev deyib.

Nazirin sözlərinə görə, əvvəllər 10 faiz balıq nohurlarda yetişdirilirdi, 90 faiz isə təbii yolla çaylardan, dənizlərdən tutulurdu: “İndi bu, tarazlaşıb. Belə ki, 50 faiz balıq təbii yolla, yerdə qalanı isə nohurlarda yetişdirilir. Hazırda balıqların sahildə yetişdirilməsi və bazara çıxarılması prosesi gedir. Rayonlarda bir neçə mütərəqqi texnologiyalar əsasında müəssisələr fəaliyyət göstərir. Bir neçə ildən sonra balıq resurslarımızın bazarda olmasını müşahidə edə biləcəyik. Nohurlarda balıqların sayı artacaq”.

Bu balıqlar arasındakı dad fərqinə gəlincə, M.Babayev deyib ki, balıq nə ilə qidalanırsa onun tamını verir: “Balıqlara nə qədər sağlam qida verilsə, o qədər başqa tamlar azalacaq. Dadında fərq yaranacaq, amma bu fərq az olacaq. Sahildə, nohurlarda balığın yetişdirilməsinin genişləndirilməsi böyük proqramlardan biridir. Kənd Təsərrüfatı Nazirliyi və Azərbaycan Qida Təhlükəsizliyi Agentliyi ilə birlikdə bu proqramın üzərində çalışırıq”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi