Bakı. 11 iyun. REPORT.AZ/ Ekologiya və təbii sərvətlər naziri Muxtar Babayevlə Hindistanın Azərbaycandakı səfiri Sanjay Rana arasında tanışlıq görüşü keçirilib.
Nazirliyin Mətbuat xidmətindən "Report"a verilən məlumata görə, görüş zamanı Azərbaycanla Hindistan arasında ətraf mühit, meşələrin mühafizəsi, su bioresurslarının davamlı idarə edilməsi, ekoloji monitorinq sahəsində və qarşılıqlı maraq doğuran digər məsələlər ətrafında fikir mübadiləsi aparılıb.