Yuxarı
    Bağlamaq

    Lənkəranda qum-çınqıl karxanalarının qanunsuz fəaliyyəti ilə bağlı şikayət araşdırılıb

    Araşdırma zamanı qanun pozuntusu və qanunsuz qazıntı işlərinin aparılmasına rast gəlinməyib© Report.az

    Bakı. 7 iyul. REPORT.AZ/ Ekologiya və Təbii Sərvətlər Nazirliyinə Lənkəran rayonu Lüvəsər kəndi ərazisində qum-çınqıl karxanalarının qanunsuz fəaliyyət göstərməsi, ağacların susuzluqdan quruması ilə bağlı daxil olan şikayət nazirliyin əməkdaşları tərəfindən dərhal yerində araşdırılıb.

    Bu barədə "Report"a nazirliyin mətbuat xidmətindən məlumat verilib.

    Bildirilib ki, sözügedən əraziyə keçirilən baxış zamanı ərazidə fəaliyyət göstərən karxanalarda ekoloji qanun pozuntusu və qanunsuz qazıntı işlərinin aparılması, eləcə də Lüvəsər kəndi ərazisində ağacların quruması faktlarına rast gəlinməyib. Araşdırma zamanı Lənkərançayda dövlət qeydiyyatına alınmış qum-çınqıl yatağında Lənkəran rayon icra hakimiyyətinin müvafiq sərəncamları ilə qum-çınqıl istehsalı sahələri yaratmaq məqsədilə 2005-ci ildən etibarən torpaq sahələrinin ayrıldığı və aidiyyəti dövlət orqanlarının razılıq sənədləri əsasında karxanaların tələbatdan asılı olaraq fasilələrlə fəaliyyət göstərdiyi müəyyən edilib. Araşdırma zamanı o da məlum olub ki, Lüvəsər kəndində hazırda suvarma suyu ilə bağlı problem yoxdur.

    Qeyd edək ki, Lüvəsər kəndi ərazisində Lənkərançayın sahil mühafizə zolağında qanunsuz qazıntının aparılması faktları ilə bağlı ötən il Nazirliyin əməkdaşları tərəfindən Kərgəlan bələdiyyəsi və ayrı-ayrı şəxslər barəsində protokollar tərtib edilib və ümumilkdə 8890 manat cərimə və ziyan tətbiq olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi