Kürdəmirdə ağacəkmə aksiyası keçirilib

Kürdəmir rayonunda ağacəkmə aksiyası keçirilib. 

"Report"un Mərkəzi Aran bürosunun məlumatına görə, aksiya Kürdəmir Rayon Mərkəzi Xəstəxanasının ərazisində yerləşən sahədə "Ağac əkək qoruyaq bu ənənəni yaşadaq" devizi altında keçirilib.

Səhiyyə Nazirliyi və Ekologiya və Təbii Sərvətlər Nazirliyinin təşəbbüsü ilə reallaşan aksiyada Xəstəxananın yüzdən çox tibbi personalı iştirak edib.

Aksiyada, əsasən, dekorativ və meyvə ağacları olmaqla 200-dən çox ağac əkilib. 

Kürdəmir rayon Mərkəzi Xəstəxanasının baş həkimi Eynulla Novruzovun sözlərinə görə, bu kimi aksiyaların gələcəkdə də mütəmadi olaraq keçirilməsi nəzərdə tutulur.