Yuxarı
    Bağlamaq

    İstirahət gününə olan hava proqnozu açıqlanıb

    Bəzi şimal və şərq rayonlarında yağış yağacağı gözlənilir

    Bakı. 5 noyabr. REPORT.AZ/ Bazar günü Bakıda və Abşeron yarımadasında hava şəraiti dəyişkən buludlu olacağı, arabir tutulacağı gözlənilir.

    Ekologiya və Təbii Sərvətlər Nazirliyinin Milli Hidrometeorologiya Departamentindən "Report"a verilən məlumata görə, sabah paytaxt və yarımadada gecə və səhər bəzi yerlərdə yağış yağacağı ehtimalı var.

    Mülayim şimal küləyi əsəcək.

    Havanın temperaturu gecə 6-9° isti, gündüz 12-14° isti, Bakıda gecə 7-9° isti, gündüz 12-14° isti olacağı gözlənilir.

    Atmosfer təzyiqi normadan yüksək (768 mm civə sütunundan 773 mm civə sütununa) olacaq. Nisbi rütubət 70-80 % təşkil edəcək.

    Azərbaycanın rayonlarında hava şəraiti əsasən yağmursuz olacaq. Lakin bəzi şimal və şərq rayonlarında yağış yağacağı gözlənilir. Gecə və səhər bəzi yerlərdə duman olacaq. Qərb küləyi ayrı-ayrı yerlərdə arabir güclənəcək. Havanın temperaturu gecə 3-8° isti, gündüz 11-16° isti, dağlarda gecə 3° şaxtadan 2°-dək isti, gündüz 4-9° isti olacağı gözlənilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi