Bakı. 25 aprel. REPORT.AZ/ İstirahət günü Azərbaycanda müşahidə olunacaq hava proqnozu açıqlanıb.
Aprelin 26-da Azərbaycan rayonlarında əsasən yağmurlu hava şəraiti müşahidə olunacaq, gecə və səhər bəzi yerlərdə duman olacaq. Qərb küləyi əsəcək. Havanın temperaturunun gecə 5-10, gündüz 15-20, dağlarda gecə 2 dərəcə şaxtadan 3 dərəcəyədək isti, gündüz 5-10 dərəcə isti olacağı gözlənilir.
Baş hidroloq onu da qeyd edib ki, aprelin 25-də günün ikinci yarısından etibarən və sonrakı günlərdə ölkə ərazisində mülayim hava şəraiti müşahidə olunacaq. Eyni zamanda, temperatur tədricən yüksələcək.