Yuxarı
    Bağlamaq

    İƏİT: Yaxın 45 ildə 200 milyondan çox insan hava çirklənməsi səbəbindən vaxtından əvvəl öləcək

    Uşaqlar astmadan daha çox əziyyət çəkəcək

    Bakı. 16 avqust. REPORT.AZ/ Yaxın 45 ildə 200 milyondan çox insan hava çirklənməsi səbəbi ilə vaxtından əvvəl öləcək.

    "Report"un "İnterfaks"a istinadən xəbərinə görə, bu proqnozu İqtisadi Əməkdaşlıq və İnkişaf Təşkilatı (İƏİT) verib.

    İƏİT-nin dəyərləndirməsinə görə, 2060-cı ilədək havanın çirklənməsi səbəbi ilə vaxtından tez ölənlərin sayı ildə 6-9 milyon olacaq. Halbuki bu rəqəm 2010-cu ildə 3 milyon olub.

    Hesablamalara görə, 2060-cı ilin sonunda dünya iqtisadiyyatı havanın çirkliliyinin işçilərin sağlamlığına və əmək məhsuldarlığına təsiri səbəbindən ildə 3,75 milyard "adam-gün" (bir insanın bir iş günü ərzində gördüyü işin hesablanma vahidi - "Report") itirəcək.

    Eyni zamanda, havanın çirklənməsi ilə əlaqədar xəstəliklərin yayılması artacaq. Uşaqlar astmadan daha çox əziyyət çəkəcək. Yüksək ölüm və xəstəlik göstəricilərinin həmçinin Şərqi Avropa, Qafqaz regionu, Asiya ölkələrində, o cümlədən Cənubi Koreyada olacağı proqnozlaşdırılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi