Hüseyn Bağırov Daşkəsəndə vətəndaşlarla görüşəcək

Bakı. 21 sentyabr. REPORT.AZ/ Ekologiya və təbii sərvətlər naziri Hüseyn Bağırov sentyabr ayının 28-də Daşkəsən şəhərində vətəndaşlarla görüşəcək.

Nazirlikdən "Report"a verilən məlumata görə, saat 10:00-da Daşkəsən şəhəri Dövlət Arxiv İdarəsində baş tutacaq görüşdə Daşkəsən, Gəncə, Gədəbəy, Samux, Göygöl rayonlarında yaşayan vətəndaşlar iştirak edə bilər. 

Qəbula gəlmək istəyən vətəndaşlardan qeydiyyatdan keçmək üçün [email protected] və [email protected] elektron poçt ünvanları, Ekologiya və Təbii Sərvətlər Nazirliyinin 168 saylı “Qaynar xətt”i, həmçinin 10 saylı ərazi Ekologiya və Təbii Sərvətlər şöbəsi ilə əlaqə saxlamaları (ünvan: Gəncə şəhəri, H.Z.Tağıyev küçəsi 58, əlaqə telefonları: 022-253-04-48, 050-366-05-04, 050-391-97-50) xahiş olunur.