9 May - Qələbə günü Azərbaycanda müşahidə olunacaq hava proqnozu açıqlanıb

Bakı. 8 may. REPORT.AZ/ 9 May - Qələbə günü Azərbaycanda müşahidə olunacaq hava proqnozu açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova "Report"a bildirib ki, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Səhər bəzi yerlərdə duman olacağı proqnozlaşdırılır. Cənub küləyi axşama doğru qərb küləyi ilə əvəz olunacaq. Havanın temperaturu gecə 8-13, gündüz 15-20 dərəcə isti olacaq.

Sabah Azərbaycan rayonlarında hava şəraitinin əsasən yağmursuz keçəcəyi, səhər və axşam bəzi yerlərdə şimşək çaxacağı, yağış yağacağı gözlənilir. Qərb küləyi əsəcək, ayrı-ayrı yerlərdə arabir güclənəcək. Havanın temperaturunun gecə 8-13, gündüz 20-26, dağlarda gecə 2-7, gündüz 10-15 dərəcə isti olacağı gözlənilir.