ETSN: Gənc kadrlara ehtiyacımız var

ETSN: Gənc kadrlara ehtiyacımız var "Gənclərin hidrometeorologiya sahəsinə yönəlməsini təmin edə biləcəyik"
Ekologiya
121
13 Aprel , 2021 16:17
ETSN: Gənc kadrlara ehtiyacımız var
Umayra Tağıyeva

"Hidrometeorologiya sahəsində texnoloji bilikli gənc kadrlara ehtiyac var".

"Report"un məlumatına görə, bunu Milli Hidrometeorologiya Xidmətinin rəisi Umayra Tağıyeva Ekologiya və Təbii Sərvətlər Nazirliyinin Qubadlı və Cəbrayıl rayonlarına təşkil etdiyi mediatur çərçivəsində jurnalistlərə açıqlamasında deyib.

O bildirib ki, ETSN-in hidrometeorologiya sahəsinin modernləşdirilməsinə, ən müasir texnologiyaların tətbiqinə ehtiyac var: "İstər atmosferdə baş verən dəyişiklikləri izləyən ən müasir dopler radarlarından istifadə, istərsə də yaxın gələcəkdə ölkədə erkən xəbərdarlıq sisteminin yaradılması yeni biliklərə malik olan gənc mütəxəssislərin bizim sahəyə gəlməsinin vacibliyini artırır. Kadr potensialının artırılmasına yönələn işlərin görülməsi prioritet təşkil edir. Həm Türkiyə, həm də Avropa İttifaqı və BMT-in dəstəyi ilə müxtəlif layihələr çərçivəsində mütəmadi şəkildə təlimlər keçiriləcək. Rəqəmli modellərin tətbiqi hidrometeoroloqlarla bərabər fizika, riyaziyyat və İT sahəsində bilikləri olan mütəxəssislərin fəaliyyət göstərməsini şərtləndirir".

"Ümüd edirik ki, gənclərin hidrometeorologiya sahəsinə yönəlməsini təmin edə biləcəyik", - U.Tağıyeva bildirib.

Son xəbərlər

Orphus sistemi