ETSN-də Serbiyanın Kənd Təsərrüfatı, Meşəçilik və Su Təsərrüfatı Nazirliyinin dövlət katibi ilə görüş olub

Mayın 17-də Ekologiya və Təbii Sərvətlər Nazirliyində (ETSN) Serbiyanın Kənd Təsərrüfatı, Meşəçilik və Su Təsərrüfatı Nazirliyinin dövlət katibi Senad Mahmutoviç ilə görüş keçirilib.

Nazirliyin Mətbuat xidmətindən "Report"a verilən məlumata görə, görüş zamanı Azərbaycan ilə Serbiya arasında meşəçilik və su təsərrüfatı sahəsində fikir mübadiləsi aparılıb və gələcək əməkdaşlığın perspektivləri müzakirə edilib.