Yuxarı

ETSN Bakıda ağac kəsilməsi ilə bağlı yayılan videoya münasibət bildirib

ETSN Bakıda ağac kəsilməsi ilə bağlı yayılan videoya münasibət bildirib 1644

Bakı. 25 oktyabr. REPORT.AZ/ Ekologiya və Təbii Sərvətlər Nazirliyinə Xətai rayonu, Xudu Məmmədov küçəsi 25, 27, 29 ünvanında ağacların kəsilməsi ilə bağlı şikayət və ağac kəsintisini əks etdirən video daxil olub. 

Nazirlikdən "Report"a verilən məlumata görə, qurumun əməkdaşları tərəfindən şikayət yerində araşdırılıb. Əraziyə keçirilən baxış zamanı ağac kəsintisi faktı aşkar edilməyib.

Araşdırma zamanı məlum olub ki, videoda əks olunan kadrlar 2017-ci ildə həmin ünvanda çəkilib. 

Qeyd edək ki, 2017-ci ilin fevral ayında Nazirliyin əməkdaşları tərəfindən Xətai rayonu, Xudu Məmmədov küçəsi 25, 27, 29 ünvanında 4 ağacın kəsildiyi faktı aşkar olunub. Araşdırma zamanı ağacların “Green servis” MMC tərəfindən kəsildiyi məlum olmuş və barəsində akt tərtib edilmişdi. MMC-nin hüquqi şəxs qismində cərimə olunması üçün toplanmış materiallar Xətai Rayon Məhkəməsinə göndərilib. Əraziyə sakinlərin iştirakı ilə ağaclar əkilmiş və onlara aqrotexniki qulluq göstərilməsi üçün Xətai rayon Mənzil İstismar Sahəsinə icrası məcburi olan “məcburi göstəriş” verilmişdi. Hazırda ərazidəki ağaclar bioloji inkişafdadır və onlara aqrotexniki qulluq göstərilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi