Yuxarı
    Bağlamaq

    Ekoloji qanunvericiliyi pozanlar 38 min manata yaxın cərimə olunublar

    Tədbir görülməsi üçün hüquq-mühafizə orqanlarına 43, icra qurumlarına 37, məhkəmələrə isə 9 iş göndərilib© Report

    Bakı. 7 sentyabr. REPORT.AZ/ Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları ölkə ərazisində ekoloji qanunvericiliyin tələblərinə riayət olunmasını yoxlamaq məqsədi ilə araşdırma aparıb.

    ETSN-dən “Report”a verilən məlumata görə, avqustun 16-dan 31-dək davam edən araşdırma zamanı hüquqi və fiziki şəxslərin atmosfer havasını, su və torpaq ehtiyatlarını, yerin təkini, fauna və floranın mühafizəsini, o cümlədən ətraf mühitə qanunsuz məişət və istehsalat tullantılarının yerləşdirilməsi sahəsində yol verilən qanun pozuntularına görə 229 akt və protokol tərtib olunub, nöqsanların aradan qaldırılması üçün icrası məcburi olan 70 müddətli “məcburi göstəriş” verilib.

    Ümumilikdə, 40 iş üzrə 37450 manat məbləğində inzibati qaydada cərimə tətbiq edilib, ətraf mühitə dəymiş ziyana görə 15 iş üzrə 54270,99 manat məbləğində iddia qaldırılıb, ətraf mühitə tullantıların atılmasına və axıdılmasına görə hüquqi və fiziki şəxslərə qarşı 221 iş üzrə 39101,14 manat məbləğində ödəmə tətbiq edilib. Tədbir görülməsi üçün hüquq-mühafizə orqanlarına 43, icra qurumlarına 37, məhkəmələrə isə 9 iş göndərilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi