Yuxarı
    Bağlamaq

    Ekologiya və Təbii Sərvətlər Nazirliyi Neftçalada balıqçıların etirazı ilə bağlı rəsmi məlumat yayıb

    Hər bir balıqçı qanuna müvafiq qaydada balıq ovlama bileti almalıdır

    Bakı. 8 yanvar. REPORT.AZ/ Ekologiya və Təbii Sərvətlər Nazirliyi Neftçalada balıqçıların etirazı ilə bağlı rəsmi məlumat yayıb.

    Nazirliyin Su Hövzələrində Bioloji Resursların Artırılması və Mühafizəsi Departamentinin direktoru Rasim Həsənov "Report"a bildirib ki, onlar qanunsuz balıq ovu ilə məşğul olanlardı: "Bu o deməkdir ki, tərəfimizdən balıq ovu ilə məşğul olanların, brakonyerliyin qarşısı alınır.

    Yəni biz qanun çərçivəsində bu şəxslərdən tələb edirik ki, qanuni prosedurlara əməl etsinlər, sadələşdirilmiş qaydada balıq ovlama bileti alsınlar. Balıq ovu ilə məşğul olanlardan tələbimiz  budur ki, hər şeyi qanuni qaydada həll etmək mümkündür. Bir daha qeyd edirəm, hər bir balıqçı qanuna müvafiq qaydada balıq ovlama bileti alsın".

    R.Həsənov, həmçinin bildirib ki, bununla razılaşmayanlar, bunu təşkil edənlər rayonda qanunsuz balıq ovuna himayədarlıq edənlərdir: "Digər tərəfdən biz bu qanuni tələbləri irəli sürməyə bilərik amma brokonyerlik baş alıb gedəndə deyilməsin ki, siz hara baxırsınız. Amma bu çıxış yolu deyil balıqçılar yerlərdəki qanunsuz balıq ovuna dəstək verən və belə aksiyalar təşkil edən bəzi himayədarların fitnəsinə getməsinlər. Hər kəs, sadəcə qanuni tələblərə əməl etməlidir".

    Qeyd edək ki, hadisə bu gün səhər saatlarında Neftçala şəhərində baş verib. Rayonun Mayak, Kürkənd, Qoltuq və digər kəndlərdən olan 100 nəfərə yaxın balıqçı şəhərdə bir yerə toplaşaraq etiraz aksiyası keçiriblər. Buna səbəb Ekologiya və Təbii Sərvətlər Nazirliyi tərəfindən ilişkən torlarla balıq ovuna qadağanın qoyulması olub. Hadisə yerinə ETSN-in nümayəndələri gələrək aksiya iştirakçıları ilə danışıqlar aparıblar. Bundan sonra balıqçılar dağılışıblar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi