Cəlilabadda yanğının meşə sahəsinə keçməsinin qarşısı alınıb

Cəlilabadda yanğının meşə sahəsinə keçməsinin qarşısı alınıb Yanğın Cəlilabad rayonunun Zopun kəndi yaxınlığındakı bələdiyyə ərazisində baş verib
Ekologiya
1181
25 Sentyabr , 2017 19:19
Cəlilabadda yanğının meşə sahəsinə keçməsinin qarşısı alınıb

Bakı. 25 sentyabr. REPORT.AZ/ Bu gün saat 17:30 radələrində Cəlilabad rayonunun Zopun kəndi yaxınlığındakı bələdiyyə ərazisində, Cəlilabad Meşə Mühafizəsi və Bərpası Müəssisəsinin Cəlilabad meşəbəyliyinin 4 saylı dolayının sərhədində yanğın hadisəsi baş verib.

Ekologiya və Təbii Sərvətlər Nazirliyinin Mətbuat xidmətindən "Report"a verilən məlumata görə, bələdiyyə ərazisində baş verən yanğının meşə fonduna keçməməsi üçün əraziyə dərhal Ekologiya və Təbii Sərvətlər Nazirliyinin yerli qurumlarının əməkdaşları və Fövqəladə Hallar Nazirliyinin Yanğından Mühafizə Dəstəsinin nümayəndələri cəlb edilib. 

Meşə işçilərinin və yanğından mühafizə dəstəsinin ciddi səyləri nəticəsində yanğın qısa müddətdə söndürülüb, yanğının meşə sahəsinə keçməsinin qarşısı alınıb.

Son xəbərlər

Orphus sistemi