Cəlilabadda Heydər Əliyevin 100 illiyinə həsr olunmuş ağacəkmə aksiyası keçirilib

Ümummilli Lider Heydər Əliyevin 100 illiyinə həsr olunmuş, Cəlilabad Rayon İcra Hakimiyyətinin və Ekologiya və Təbii Sərvətlər Nazirliyinin birgə təşkilatçılığı ilə Cəlilabad-Yardımlı avtomobil yolunun Şiləvəngə və Abışabad kəndlərindən keçən 3 km-lik hissəsində ağacəkmə aksiyası keçirilib.

"Report"un Muğan bürosunun məlumatına görə, aksiyada rayon icra hakimiyyətinin başçısı Rafiq Cəlilov, Ekologiya və təbii sərvətlər nazirinin müavini Vüqar Kərimov, aparat əməkdaşları, hüquq-mühafizə orqanlarının rəhbərləri, idarə-təşkilat əməkdaşları, ictimaiyyət nümayəndələri və rayon sakinləri iştirak edib.

Aksiya çərçivəsində 2 000 ədəd ağac əkilib və ağaclara lazımi aqrotexniki qulluq göstərilib.