Bakıda külək güclənib, dağlıq rayonlarda 7 dərəcəyədək şaxta qeydə alınıb - FAKTİKİ HAVA

Milli Hidrometeorologiya Xidmətinin dekabrın 15-i saat 13:30-a olan məlumatına əsasən, ölkə ərazisində sabit, əsasən yağmursuz hava şəraiti müşahidə olunur.

Xidmətdən "Report"a bildirilib ki, cənub-qərb küləyi arabir Bakıda və Abşeron yarımadasında 15 m/s-dək güclənib.

Havanın temperaturu Bakıda və Abşeron yarımadasında 7 dərəcəyədək isti, Naxçıvan MR-da 9, Aran rayonlarında 5 dərəcəyədək isti, dağlıq rayonlarda 7 dərəcəyədək şaxta qeydə alınıb.