Yuxarı
    Bağlamaq

    Azərbaycanda sabahdan ov mövsümü açıq elan olunur

    Dinlə
    Xarici ovçular daha çox qaban ovu və çöl quşlarının ovuna üstünlük verirlər

    Bakı. 25 may. REPORT.AZ/ Azərbaycanda sabahdan, mayın 26-dan ov mövsümü açıq elan olunur.

    "Report" xəbər verir ki, bunu Ekologiya və Təbii Sərvətlər Nazirliyinin Bioloji Müxtəlifliyin Qorunması və Xüsusi Mühafizə Olunan Təbiət Ərazilərinin İnkişafı Departamentinin direktor müavini Hikmət Əlizadə mətbuat konfransında deyib.

    Onun sözlərinə görə, mövsüm 2019-cu ilin mart ayının 16-na qədər davam edəcək: "Ovçuluğa şənbə və bazar günlərində icazə veriləcək. Ovçular ovçuluq təsərrüfatı sahələri və nazirliyin müəyyən etdiyi ərazilərdə ov edə bilərlər. Qanunvericilikdə xarici vətəndaşların da ov etməsinə icazə verilir. Ancaq xarici ovçu da qanunlara əməl etməlidir. Biz çalışacağıq ki, xarici vətəndaşlarla işləyən şirkətlər onların maariflənməsini təşkil etsinlər".

    Direktor müavini qeyd edib ki, yerli və xarici vətəndaşlar üçün rüsum eynidir: "Xarici ovçular daha çox qaban ovu və çöl quşlarının ovuna üstünlük verirlər". 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi