Yuxarı
    Bağlamaq

    Azərbaycanda ekoloji maarifləndirməyə dair videoçarx hazırlanıb - VİDEO

    Videoçarxda Azərbaycanın tanınmış simalarının ətraf mühitin qorunmasına dair çağırışları yer alıb

    Bakı. 11 aprel. REPORT.AZ/ Azərbaycanda "Yaşıl həyat: Təbiəti Qoruyaq!" layihəsi çərçivəsində maarifləndirici videoçarx hazırlanıb.

    "Report"un məlumatına görə, "Düşüncə" Gənclərin İnkişafına Dəstək" İctimai Birliyi tərəfindən Azərbaycan Respublikasının Prezidenti yanında Gənclər Fondunun maliyyə dəstəyi ilə hazırlanan videorolikdə ətraf mühitin qorunmasının vacibliyi vurğulanıb.

    Həmçinin, videoçarxda Azərbaycanın tanınmış simalarının ətraf mühitin qorunmasına dair çağırışları da yer alıb. Qeyd edilib ki, ətraf mühitin qorunmaması nəticəsində təbii fəlakətlər çoxalır.

    Qeyd edək ki, layihənin məqsədi ətraf mühitin qorunması üçün gənclər arasında maarifləndirmə işini artırmaq, "yaşıl həyat" tərzini onlara aşılamaqdır.

    Layihə çərçivəsində Bakı və Gəncədə ətraf mühitin mühafizəsi mövzusunda dəyirmi masalar keçirilib. Gənclər üçün ətraf mühitin mühafizəsi mövzusunda maarifləndirici və təbliğat xarakterli köynəklər hazırlanaraq gənclərə paylanılıb. Eyni zamanda, "Yaşıl həyat" adlı maarifləndirici kitab hazırlanaraq paylanılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi