Azərbaycanda sement, əhəng və yol tikintisi işləri üçün yararlı olan tullantılardan səmərəli istifadəyə dair təkliflər hazırlanacaq.
"Report" xəbər verir ki, bu, yerin təkinin geoloji öyrənilməsinə və mineral xammal bazasından səmərəli istifadəyə dair 2020–2024-cü illər üçün Dövlət Proqramında öz əksini tapıb.
Bununla bağlı işlərin aparılması Ekologiya və Təbii Sərvətlər Nazirliyi və İqtisadiyyat Nazirliyi, yerli icra hakimiyyətləri və bələdiyyələrə həvalə olunub.
Ekologiya və Təbii Sərvətlər Nazirliyinə və Azərbaycan Milli Elmlər Akademiyasına Daşkəsən dəmir yatağının istismarı nəticəsində toplanmış tullantılardan səmərəli istifadə məqsədilə kompleks tədqiqatlar aparılması tapşırılıb.