Azərbaycan və Qazaxıstan ətraf mühitin mühafizəsi sahəsində əməkdaşlıq edəcək

Azərbaycan və Qazaxıstan ətraf mühitin mühafizəsi sahəsində əməkdaşlıq edəcək.

"Report"a Ekologiya və Təbii Sərvətlət Nazirliyindən bildirilib ki, bununla bağlı Azərbaycanda işgüzar səfərdə olan Qazaxıstan Respublikasının ekologiya, geologiya və təbii sərvətlər naziri Serikkali Brekeşev ilə ekologiya və təbii sərvətlər naziri Muxtar Babayev arasında görüşdə bildirilib.

“Xəzər dənizinin ətraf mühitinin mühafizəsi üzrə Çərçivə Konvensiyası”nın Tərəflər Konfransının 6-cı iclası çərçivəsində baş tutan görüşdə ətraf mühitin mühafizəsi sahəsində fikir mübadiləsi aparılıb, gələcək əməkdaşlıq perspektivləri və qarşılıqlı maraq doğuran digər məsələlər müzakirə olunub.