Yuxarı
    Bağlamaq

    Azərbaycan ərazisində havanın temperaturu kəskin şəkildə aşağı düşəcək

    Sabah rayonlarda leysan xarakterli yağış yağacaq

    Bakı. 7 oktyabr. REPORT.AZ/ Sabah Azərbaycan rayonlarında leysan xarakterli yağış yağacaq. Bu barədə "Report"a Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosundan məlumat verilib.

    Oktyabrın 8-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Səhər və axşam yarımadanın bəzi yerlərinə qısamüddətli yağış yağacağı ehtimalı var. Güclü şimal-qərb küləyi əsəcək.

    Havanın temperaturu Abşeron yarımadasında gecə 16-19, günün birinci yarısında 20-23, ikinci yarısında 15-17, Bakıda isə gecə 16-18, günün birinci yarısında 20-22, ikinci yarısında 15-17 dərəcə isti olacaq.

    Sabah Azərbaycan rayonlarında şimşək çaxacağı, arabir yağış yağacağı gözlənilir. Bəzi yerlərdə leysan xarakterli yağış olacağı ehtimalı var. Qərb küləyi əsəcək, arabir güclənəcək. Havanın temperaturu gecə 13-18, gündüz 20-25, dağlarda gecə 7-12, gündüz 12-17 dərəcə isti olacaq.

    Tibbi meteoroloji proqnoza əsasən, oktyabrın 8-9-da Abşeron yarımadasında hava şəraitinin təzadlı dəyişiləcəyi, ayın 8-də atmosfer təzyiqinin xeyli yüksələcəyi, güclü xəzri küləyinin əsəcəyi və oktyabrın 9-da havanın temperaturunun ötən günlərlə müqayisədə kəskin enəcəyi gözlənilir ki, bu da meteohəssas insanlar üçün çox əlverişsizdir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi