Azərbaycan ekoloqları türkiyəli həmkarlarına dəstək nümayiş etdirib

Azərbaycan ekoloqları türkiyəli həmkarlarına dəstək nümayiş etdirib.

"Report"un məlumatına görə, ekoloqlar Türkiyədə bir neçə gündür davam edən meşə yanğınlarının onları kədərləndirdiyi və sarsıtdığını bəyan ediblər.

"Biz-İctimai Ekoloji Şuranın üzvləri, ekoloqlar və meşəçilər olaraq insanlığa, meşələrə və təbiətə qarşı yönələn bu ekoloji terroru qətiyyətlə qınayırıq, hər zaman olduğu kimi bu çətin məqamda da qardaş ölkənin yanındayıq. Meşə yanğınları ilə mübarizədə türkiyəli həmkarlarımıza dəstəyik və hər cür yardım göstərməyə, fəlakətin fəsadlarının aradan qaldırılması üçün bütün qüvvələrimizi, imkanlarımızı səfərbər etməyə, meşələrin bərpa olunmasına öz töhfəmizi verməyə hazırıq" - deyə məlumatda bildirilib.