Azad olunan ərazilərdə qoruqların statusu dəyişdirilə bilər

İşğaldan azad edilən ərazilərdə milli park və yeni qoruqların yaradılması ilə bağlı müzakirə olunan təkliflər yoxdur.

“Report” xəbər verir ki, bunu ekologiya və təbii sərvətlər nazirinin müavini Vüqar Kərimov işğaldan azad olunmuş ərazilərdəki ekoloji durum, görülən və görüləcək işlərlə bağlı keçirilən brifinqdə çıxışı zamanı deyib.

Nazir müavini qeyd edib ki, bu gün üçün orada mövcud olan yasaqlıq və qoruqların statusunun dəyişdirilməsi ilə bağlı təkliflər var: “Bununla bağlı beynəlxalq tərəfdaşlarımızla müzakirə aparılıb”.