Azad olunan ərazilərdə hidrometeoroloji şəbəkə bərpa ediləcək

“Ekologiya və Təbii Sərvətlər Nazirliyi ən tez zamanda işğaldan azad olunan ərazilərdə hidrometeoroloji şəbəkəni bərpa etmək istiqamətində bütün lazımi addımları atacaq”.

“Report” xəbər verir ki, bunu Milli Hidrometeorologiya Xidmətinin rəisi Umayra Tağıyeva deyib.

Xidmət rəisi qeyd edib ki, Qarabağ bölgəsində 1990-cı ilə qədər 10 hidrometeoroloji, 3 radiometeoroloji, 15 çay üzərinə müşahidə, 2 aqrometeoroloji stansiya və 16 atmosfer proseslərinə fəal təsir göstərən məntəqələr fəaliyyət göstərib:

“Ümid edirik ki, ən yaxın zamanlarda onların fəaliyyəti bərpa olunacaq”.