Yuxarı

Bakıda atmosferə atılan tullantıya görə sexə cavabdeh şəxs cəzalandırılıb

​Atmosferə atılan tullantıya görə sexə cavabdeh şəxs cəzalandırılıb
Dinlə

2379

© Report

Bakı. 29 yanvar. REPORT.AZ/ Binəqədi rayonu, Ə.Rəcəbli küçəsi 30/97 ünvanında fəaliyyət göstərən metaləritmə sexindən atmosferə atılan tullantılarla bağlı Ekologiya və Təbii Sərvətlər Nazirliyinin (ETSN) əməkdaşları növbəti araşdırma və monitorinq keçirib. 

Bu barədə "Report"a verilən nazirliyin Mətbuat xidmətindən məlumat verilib.

Monitorinq zamanı atmosferə atılan tullantıların miqdarının bu dəfə də normadan artıq olduğu müəyyən edilib.

Qeyd edək ki, ETSN tərəfindən 2018-ci ilin noyabr ayında sex barəsində akt, protokol tərtib olunmuş və müasir standartlara cavab verən təmizləyici qurğunun quraşdırılması ilə bağlı sexə icrası məcburi olan müddətli “məcburi göstəriş” verilmişdi. Məcburi göstərişin tələblərini yerinə yetirmədiyi üçün sexə cavabdeh şəxs A.Aslanov barəsində yenidən protokol tərtib edilib və o vəzifəli şəxs qismində 4800 manat məbləğində cərimə olunub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi