Yaponiyada Nobel mükafatı laureatı vəfat edib

Yaponiyada Ədəbiyyat üzrə Nobel mükafatı laureatı Kendzaburo Oe vəfat edib.

“Report” xəbər verir ki, məlumatı yerli NHK telekanalı yayıb.

Bildirilib ki, o, 88 yaşında dünyasını dəyişib.

Qeyd edək ki, yazıçı Nobel mükafatını 1994-cü ildə “poetik güclə reallıq və mifin birləşərək bugünkü insan səfalətinin narahatedici mənzərəsini təqdim etdiyi xəyali dünya yaratdığına görə” alıb.

O, Ədəbiyyat üzrə Nobel mükafatı alan ikinci yapon yazıçısıdır.