Səfir: "Həmişə Nizaminin şeirlərinə böyük maraq göstərmişəm"

"Nizami Gəncəvi əsərlərində öz dövrünün, Azərbaycan tarixinin bir çox sirlərini açır".

Bunu “Report”a Bakıda keçirilən “Nizami Gəncəvi: mədəniyyətlər arasında körpü” mövzusunda Nizami Gəncəvi Beynəlxalq Forumunda iştirak edən Koreya Respublikasının Azərbaycandakı səfiri Kim Tonq Op bildirib.

Nizaminin təkcə şair olmadığını dilə gətirən diplomat deyib: “Həmişə onun şeirlərinə, həyat tarixçəsinə böyük maraq göstərmişəm”.

Onun fikrincə, bu kimi tədbirlər Nizami Gəncəvi yaradıcılığına dünyada olan marağı daha da artıracaq.

Xatırladaq ki, Nizami Gəncəvinin 880 illik yubileyi münasibətilə ölkəmizdə elan edilmiş Nizami İli çərçivəsində bu gün Bakıda “Nizami Gəncəvi: Mədəniyyətlər arasında körpü” mövzusunda beynəlxalq forum keçirilir.