Qan Turalının hekayəsi İraq portalında dərc olunub

İraqın “Nur” Mədəniyyət və Media Mərkəzinin populyar “Alnoor” ədəbiyyat portalı Azərbaycan Dövlət Tərcümə Mərkəzinin “Ən yeni Azərbaycan ədəbiyyatı” layihəsi çərçivəsində gənc yazıçı Qan Turalının ərəb dilinə tərcümə olunmuş “Banan” hekayəsinin yayımına başlayıb.

Mərkəzdən "Report"a verilən məlumata görə, yazıçının yaradıcılığı haqqında məlumatla təqdim olunan hekayənin ərəb dilinə tərcümə müəllifi – Mərkəzin ərəb dili üzrə mütəxəssisi Fərid Camalovdur.

Qeyd edək ki, geniş oxucu auditoriyası tərəfindən izlənən portal müntəzəm olaraq səhifələrində Ezra Paund, Tomas Lav Pikok, Qabriel Qarsia Markes, Alonso Kueto kimi dünya şöhrətli yazıçı və şairlərin yaradıcılığını işıqlandırır.