"Dövlətim var, ordum var" kitabının təqdimat mərasimi keçirilib

Azərbaycan Yazıçılar Birliyində (AYB) şair Gəray Göyyurdun müəllifi olduğu "Dövlətim var, ordum var" kitabının təqdimat mərasimi keçirilib.

"Report" xəbər verir ki, tədbirdə AYB üzvləri, ziyalılar və ictimaiyyət nümayəndələri iştirak ediblər.

Kitabın müəllifi Gəray Göyyurd "Report"a açıqlamasında bildirib ki, kitab 352 səhifədən ibarətdir və 500 nüsxəsi çap olunub: "Öz şeirlərimlə oxuculara qələbəyə hansı ağrı-acılarla gəlib çatdığımızı çatdırmaq istədim. Kitab qələbəmizdən 10 gün öncə çapa gedib, təqdimatı etmək bu günə qismət imiş".

Kitabda Qarabağın düşmənlər tərəfindən işğalı və işğaldan doğan ağrı-acıları əsk etdirən şeirlər yer alıb.

Qeyd edək ki, nəşr müəllifin sayca yeddinci şeir kitabıdır.