Bakıda “Şair və Vətən” adlı şeir gecəsi keçiriləcək

Bakı. 12 mart. REPORT.AZ/ Sabah Bakıda Rəşid Behbudov adına Dövlət Mahnı Teatrında azərbaycanlı şeirsevərlərə Azərbaycan və Türkiyə ədəbiyyatlarından seçilmiş şeirlərdən ibarət "Şair və Vətən" adlı bir şeir gecəsi təşkil ediləcək.

"Report" Türkiyənin Azərbaycandakı səfirliyinə istinadən xəbər verir ki, tədbir Azərbaycan Xalq Cümhuriyyəti və Qafqaz İslam Ordusunun yaranmasının 100-cü ildönümü münasibətilə təşkil olunacaq.

Gecədə Türkiyənin Azərbaycandakı fövqəladə və səlahiyyətli səfiri Erkan Özoral, millət vəkilləri, şairlər və aktyorlar iştirak edəcəklər.