Azərbaycanlı şairin şeirləri Gürcüstanın ədəbiyyat portalında dərc edilib

Azərbaycanlı şairin yaradıcılığı Gürcüstanın ədəbiyyat portalında dərc edilib.

“Report”un məlumatına görə, şair Nigar Həsənzadənin şeirləri ölkənin “Axli Saunce” portalında nəşr olunub.

Qeyd edək ki, mütəmadi olaraq səhifələrində Çarlz Dikkens, Vladimir Mayakovski, Velimir Xlebnikov, Harold Pinter, Rolan Bart, Olqa Tokarçuk, İtalo Kalvino kimi dünya şöhrətli yazıçı və şairlərin yaradıcılığını işıqlandıran həmin portal əvvəlki illərdə Azərbaycan ədəbiyyatından Anarın, Vaqif Səmədoğlunun və Vaqif Bayatlının da yaradıcılığına yer ayırıb.